Potret Manehna - NIning Meida

Potret manehna
Nu katampa minggu kamari
Dipiguraan
Disimpen dihade-hade
Anteng diteuteup
Jadi batur dina simpe
Aduh endahna
Mapaesan taman hate

Potret manehna, potret manehna
Ditilik di sidik-sidik
Diteuteup di bulak-balik
Ku manis bae

Potret manehna, potret manehna
Socana, imutna, teuteupna sagalana
Ngan keur kuring bae

Potret manehna, potret manehna
Wawakil jirim jinisna
Tanda satia ngarah kangen salilana
Jadi bukti najan anggang langka tepang
Potret anu digugulung potret manehna.

Kalangkang - Nining Meida

Mungguhing dina impenan
Geuning sakitu deudeuhna
Kanyaaah nu wening bersih
Satia jadi kakasih…

Mungguhing dina impenan
Geuning sakitu leahna
Pameugeut marahmay manis
Teu isin ka ambung damis

Rambut panjang nu ngarumbay
Disangka panangan ngambay
Lalaunan raray tanggah

Rangkulan karaos pageuh
Luhur pasir tepung geten
Perlambang asih nu mekar
Kabagjaan nu duaan…nu duaan

Hanjakal …hanjakal teuing
Endah ngan ukur kalangkang…
Hareupan ……hareupan … diri
Sing nyanding jeung kanyataan

sumber : http://liriksunda.blogspot.com/2009/03/nining-meida-s-kalangkang.html#ixzz2IaWDFGXz

Hariring Kuring - Nining Meida

Tengah peuting keur jemplang jempling
Kuring nyaring, teu geunah cicing
Hate melang, sumoreang
Buah ati, lawas teu patepang

Cuang cieung, kuring sorangan
Nenggeulis cik pangumbaraan
Lieuk dengen lieuk lain
Laya pisan kesan pamunangan

Rek sasambat ka saha nya nyambat
Suwung dulur, walurat sobat
Sangsang badan, nitipkeunnya diri
Iwal ti ka Gusti hyang widhi

Hiliwirkeun, duh angin peuting
Pangnepikeun hariring kuring
Kajungjunan nu ngantosan
Kawih ati nu keur rungsing pusing

Tengah peuting keur jemplang jempling
Kuring nyaring, teu geunah cicing
Hate melang, sumoreang
Buah ati, lawas teu patepang

Rek sasambat ka saha nya nyambat
Suwung dulur, walurat sobat
Sangsang badan, nitipkeunnya diri
Iwal ti ka Gusti hyang widhi

Hiliwirkeun, duh angin peuting
Pangnepikeun hariring kuring
Kajungjunan nu ngantosan
Kawih ati nu keur rungsing pusing
Kawih ati nu keur rungsing pusing

sumber : http://liriksunda.blogspot.com/2009/03/nining-meida-s-hariring-kuring.html#ixzz2IaUT5cSI

Ngalamun - Nining Meida

Waktu peuting pareng caang bulan
abdi anteng ngumbarkeun lamunan
ngantosan nu lawas henteu mulang
ka panutan nu di medan perang

Duh engkang panutan nu sajati
naha engkang tos hilap ka abdi
siang wengi abdi nganti-nganti
na iraha pasini ngajadi

Teu kendat-kendat abdi mumuntang
ka Pangeran anu murbeng alam
supados kenging panangtayungan
mugi engkang aya kaunggulan

Mun pareng urang patepang deui
kumpul ngariung sakadang wargi
kacida bungahna hate abdi
muji syukur ka Ilahi Robbi

Talaga Reumis - Nining Meida

Talaga reumis
Talaga nu jadi saksi
Waktos urang paheut janji
Pasini pakait ati
Pasimpay rasa satia
Duh bagja saksina Talaga Reumis

Talaga reumis
Talaga endah romantis
Tempat urang ngumbar asih
Namplokeun rasa kasono
Nyacapkeun rasa katresna
Duh endah di sisi Talaga Reumis

Di sisi Talaga Reumis
Cinta mekar karembangan
Di sisi talaga reumis
Carita pinuh mamanis
Di sisi talaga reumis
Asih nyanding kabagjaan
Di sisi talaga reumis
Nyipta rasa nu romantis

Urang anteng... paduduaan
Mancing rasa... asih kaheman
Puseurna… useup kageugeut
Gupayna... geleng kadeudeuh
Nganggo jeujeur.... pangharepan
Ngantos geterna kukumbul kalbu
Surser rasa kasambut cinta
Pinanggih bagja di talaga

Urang anteng... paduduaan
Ngahaleuang... tembang kasmaran
Ngahariring...ririh kaheman
Ngagalindeng..lagam katineung
Lirih asih... pamatri ati
Tembang tresna panyimpay rasa
Lagu syahdu mepende kalbu
Ngahudang cinta di talaga

Tibelat - Nining Meida

Ukur sareret teuteup saliwat
Tapi duriat tumapel masket

Matih lir peurah diri sumerah
Kumambang asih
Neang pangeunteupan deudeuh

Diri ngambang kabandang kajamparing ku manehna
Diri nguyung kapentang ngalanglayung ku manehna

Kamana atuh kamana
Neang manehna
Metik atina
Sareret jeung saliwat
Mawa tibelat
Sesah hilapna

Reret manehna
Teuteup manehna
Seukeut pamorna
Ngahudang cinta

Gandrung tibelat
Liwung kabandang
Hate micangcang
Beurang jeung peuting

Raray kagambar
Hate gemeter
Hayang patepung
Sugan asih bisa nyanding

Diri ngambang kabandang kajamparing ku manehna
Diri nguyung kapentang ngalanglayung ku manehna

Kamana atuh kamana
Neang manehna
Metik atina
Sareret jeung saliwat
Mawa tibelat
Sesah hilapna

Jamparing asih
Nembus kadeudeuh
Daya asmara
Kembangna cinta

Curug Cinulang - Darso

Di Curug Cinulang
Bulan bentang narembongan
Hawar-hawar aya tembang
Tembang asih tembang kadeudeuh dua'an

Di Curug Tinulang
Anjeun ceurik balilihan
Muntang kana Panghareupan
Cinta urang mugi asih papanjangan

Reff :
Kabaseuhan cai ka heman
Kaceretan ibun kamelang
Mengket pageuh geter rasa kahariwang
Hariwang cinta urang panungtungan

Es Lilin - Nining Meida

Es lilin mah didorong-dorong
dibantun mah dibantun ka Sukajadi
abdi isin ceuceu samar kaduga
sok sieun mah aduuh henteu ngajadi

Es lilin mah ceuceu buatan Bandung
dicandakna geuningan ka Cipaganti
abdi isin jungjunan duh bararingung
sok inggis mah aduuh henteu ngajadi

Itu saha dunungan nu nungtun munding
digantelan geuning ku saputangan
itu saha dunungan ku ginding teuing
sing horeng mah aduh geuning jungjunan

Es lilin mah ceuceu dikalapaan
raosna mah geuningan kabina-bina
abdi alim dunungan paduduaan
sok sieun mah dibantun kamana-mana

Kamana mah dunungan ngaitkeun cingcin
ka kaler mah aduuh katojo bolat
kamana mah dunungan ngaitkeun pikir
sakieu mah aduuh panas hatena.